Mowlahay illah baan mahadda guud siiyey,

Marka xigaa maxamedkeni baan ku salinayaaye,

Marka xiga muraadkaygu waa maaso yaro gaaban,

Maasha alaah Ahlusunaaan mahaad u celinaaye,

Mugdi waxay ka saareen magaca soomaali,

Matalihii buluuglaa booraarka u surane,

Marinkeedi saxaabada inay hayaan muraanla weeyaane,

Musuqmaasuq kuma maamulaan meel aay joogaanba,

Mid ogaada soomaaliyeey meel aad joogtaba,e,

Maarta waxay u qaateena waa maafiyaa timiye,

Mar qurahaa la weeraaray magiicii diinteena,

Midnimay ku maaraynayaan magaca soomaali,

Madax dooni mahayaan iyo maal ha lagu siiyo,

Masiibay ka mooseen markaan mudug kusii jeeday,

Mar horuu mashaqo mudan lahaa mushtamac woqooyi,

Mooryaanta maan doorsan bay muuruq u sheegteene

Magaalooyinkay ku harsanyihina way ka haahuurin,

Mashaa,iiqdu waa muqadise maqaal ha loo yeesho,

Mudankooduna  waa inaan midigta siinaaye,

Madmadoow haduu jiro aloow meesha laga saaro,

Mashaqiyo aloow anaan maqal waa la kala miirmay,

Muran iyo is maan dhaaf aloow uusan soo marine,

Masiibada ilaahoow ka moos maalin iyo laaylba,

Mabda' lagu midoobaan maanta sugaaynaaye,

Madax wada cadalada ayaan maanta sugaynaaye,

Mashaa,iiqdo madax noo ah baan maanta sugaynaye,

Mugdigaan in laga wada baxaan maanta sugaynaaye,

Allahayow adaa magan gelshee dowga mudan raaci.